"Ընթացիկ սեյսմիկ իրավիճակը"

 

Սեյսմիկ ռեժիմը 2009թ օգոստոսի 27-ից մինչև սեպտեմբերի 2-ը

 

Ս. թ. օգոստոսի 27-ից մինչև սեպտեբերի 2-ը ՍՊԱԾ-ի սեյսմիկ կայանները Հայաստանի տարածքում 3 բալ և ավելի ուժգնությամբ գրանցել են մեկ թույլ երկրաշարժ: 3 բալանոց սեյսմիկ ցնցումը տեղի է ունեցել օգոստոսի 30-ին Ծաղկաձոր քաղաքից 3 կմ դեպի հյուսիս:
Տարածաշրջանում. 3 բալ և ավելի ուժգնությամբ տեղի է ունեցել երկու երկրաշարժ: Սեպտեմբերի 1-ին Թուրքիայի տարածքում գրանցվել է 4-5 բալ ուժգնությամբ երկրաշարժ` Պերվարի քաղաքից 15 կմ դեպի հյուսիս-արևելք: Հաջորդ օրը Իրանի Սալմաս քաղաքից 11 կմ դեպի հյուսիս-արևմուտք տեղի է ունեցել 5 բալ ուժգնությամբ երկրաշարժ:
Տարածաշրջանից դուրս. 6 և ավելի մագնիտուդով գրանցվել է հինգ ուժեղ երկրաշարժ: Օգոստոսի 28-ին Բանդա ծովում տեղի է ունեցել ուժեղ երկրաշարժ, որն ունեցել է 6.8 մագնիտուդ: Նույն օրը 6.2 մագնիտուդով ուժեղ երկրաշարժ է գրանցվել Չինաստանում, Դա Քայդամ քաղաքից 35 կմ դեպի հարավ-արևելք, որին հաջորդել է 5 և ավելի մագնիտուդով 8 հետցնցում: Զոհեր և ավերածություններ չկան: Օգոստոսի 30-ին Սամոա կղզիների շրջանում (Խաղաղ օվկիանոս) տեղի է ունեցել ուժեղ երկրաշարժ, որն ունեցել է 6.6 մագնիտուդ: Հաջորդ իրադարձությունը, 7.4 մագնիտուդով, •րանցվել է սեպտեմբերի 2-ին Հնդկական օվկիանոսում` ինդոնեզիական Ճավա կղզու Բանդունգ քաղաքից 108 կմ դեպի հարավ-արևմուտք: Ըստ նախնական տվյալների երկրաշարժի հետևանքով զոհվել է առնվազն 45 մարդ, կան հարյուրավոր վիրավորներ և անհետ կորածներ, ավերվել կամ վնասվել է 18 000 շինություն: Այդ օրը 6.2 մագնիտուդով ուժեղ երկրաշարժ է տեղի ունեցել Նոր Զելանդիայի Կերմադեկ կղզիների տարածքում: Զոհերի և ավերածությունների մասին տեղեկություն չկա:

Փնտրել


Վերջին երկրաշարժեր

Հոդվածներ